INCLUSION

A Xunta prepara a 15 participantes no marco da Estratexia de inclusión social de Galicia para a comercialización de carne

[15/11/2017] Un grupo de 15 persoas que participan na Estratexia de Inclusión Social de Galicia 2014-2020, impulsada pola Consellería de Política Social da Xunta de Galicia e co-financiada polo Fondo Social Europeo, están a realizar un curso de acondicionamento de carne para a súa comercialización na localidade de Bertamiráns, no concello coruñés de Ames.

INCLUSIÓN

A Xunta forma no manexo de carretillas elevadoras a un grupo de 15 participantes na Estratexia de inclusión social de Galicia

[15/11/2017] A Consellería de Política Social, no marco da Estratexia de Inclusión Social de Galicia 2014-2020, impulsa estes días no concello pontevedrés de Redondela un curso sobre manexo de carretillas elevadoras. A actividade está cofinanciada polo Fondo Social Europeo.

CONSORCIO

A Xunta expón as fórmulas de colaboración entre administración autonómica e local para a prestación de servizos sociais

[09/11/2017] O xerente do Consorcio Galego de Servizos de Igualdade e Benestar, Perfecto Rodríguez, participou esta tarde nas I Xornadas de Servizos Sociais e Inclusión, que teñen lugar no Campus Universitario Tecnolóxico da cidade de Toledo, organizadas pola Xunta de Castela-A Mancha e pola Federación de Municipios e Provincias desa comunidade autónoma.

CEMVI

A Xunta participa a través do CEMVI nas IV Xornadas de Violencia de Xénero organizadas pola Policía Nacional na AGASP

[08/11/2017] A Xunta de Galicia, a través do Centro de Emerxencia para Mulleres Vítimas de Violencia de Xénero de Vigo -que xestiona o Consorcio Galego de Servizos de Igualdade e Benestar en colaboración co concello olívico-, participou o 7 e 8 de novembro nas IV Xornadas de Violencia de Xénero organizadas pola Xefatura Superior de Policía de Galicia, que tiveron lugar na Academia Galega de Seguridade Pública (AGASP) na localidade pontevedresa de A Estrada.

INCLUSIÓN

A Xunta e a Fundación Celta de Vigo poñen en marcha unha iniciativa en prol da inclusión social

[27/10/2017] O conselleiro de Política Social, José Manuel Rey Varela, asinou hoxe co presidente da Fundación Celta de Vigo, Carlos Mouriño, un convenio de colaboración para o desenvolvemento do programa de ocio, tempo de lecer, cultura e deporte do Centro de Emerxencia para Mulleres Vítimas de Violencia de Xénero (CEMVI) da cidade. No acto, estivo acompañado por Perfecto Rodríguez, xerente do Consorcio Galego de Servizos de Igualdade e Benestar -de quen depende ese centro, que conta coa colaboración do Concello de Vigo-, e polo delegado territorial da Xunta en Vigo, Ignacio López-Chaves.